Serbia resultou a gañadora da 52ª edición do Festival de Eurovisión, celebrada a pasada noite do sábado 12 de maio en Helsinki (Finlandia).
O tema gañador,
Molitva (
Oración), foi interpretado en serbio pola artista Šerifoviæ -de 22 anos- e acadou 268 puntos. En segundo e terceiro lugar quedaron, respectivamente, Ucrania e Rusia.
España participou co grupo D'Nash e o seu tema
I Love You Mi Vida, conseguindo, sorprendentemente -porque sorprende que obtivese tantos puntos semellante despropósito, a verdade- 43 puntos, acadando a 20ª posición, só por diante de Lituania, Francia, Reino Unido e Irlanda.
Pódese culpar en parte ó sistema de votacións que permite que os países do Este se realimenten con votos, pero non hai que ser un experto musical para afirmar que, con cancións tan simplonas, non se vai a ningún lado. Boto de menos os xurados con algo de idea, as orquestracións en vivo en cada actuación, os escenarios espectaculares e a diversidade de linguas no festival.
Etiquetas: Europa, Eurovisión, música
